༸སྐྱབས་རྗེ་ཟམ་གདོང་རིན་པོ་ཆེ་མཆོག་གིས་ཇར་མ་ནིའི་ཧེ་སེན་མངའ་སྡེའི་གྲོས་ཚོགས་ཀྱི་ཚོགས་གཙོ་མཆོག་མཇལ་མོལ་དང་༸རྒྱལ་བའི་མཛད་རྗེས་སྐོར་གསུང་བཤད་གནང་བ།

བཀའ་བློན་ཁྲི་ཟུར་༸སྐྱབས་རྗེ་ཟམ་གདོང་རིན་པོ་ཆེ་མཆོག་ནས་༸རྒྱལ་བའི་གོ་སྟོན་སྲུང་བརྩིའི་ཆ་ཤས་སུ། ཇར་མ་ནིའི་ཧེ་སེན་མངའ་སྡེའི་གྲོས་ཚོགས་ཀྱི་ཚོགས་གཙོ་མཆོག་དང་མཇལ་མོལ་གནང་བ་མ་ཟད།  ༸རྒྱལ་བའི་མཛད་རྗེས་སྐོར་གསུང་བཤད་གནང་འདུག དེ་ཡང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་དང་བསྟུན། རྒྱལ་སྤྱིའི་ཁྱོན་དུ་བོད་མི་གཙོས་དད་ལྡན་མང་ཚོགས་ནས་ལོ་འཁོར་མོར་བྱམས་བརྩེའི་ལོ་ཞེས་སྲུང་བརྩི་ཞུས་དང་ཞུ་བཞིན་པའི་ཁྲོད།  གོ་སྟོན་གྱི་ཆ་ཤས་སུ་ཇར་མ་ནིའི་ Hessen མངའ་སྡེའི་སྲིད་བློན་ཟུར་པ་དང་བོད་དོན་རྒྱབ་སྐྱོར་བ་སྐུ་ཞབས་ Roland Koch མཆོག་དང་ཇར་མ་ནིའི་བོད་ཁང་། དེ་བཞིན་ Frankfurt གྲོང་ཁྱེར་ནང་གི་ goethe གཙུག་ལག་སློབ་གཉེར་ཁང་གི་སློབ་དཔོན་ཟུར་པ་སྐུ་ཞབས་ Ajit Sikand Sigh ལགས་བཅས་གསུམ་གྱིས་གདན་ཞུས་གནང་དོན་ལྟར། ༸སྐྱབས་རྗེ་སློབ་དཔོན་ཟམ་གདོང་རིན་པོ་ཆེ་མཆོག་ནས་ཟླ་བ་འདིའི་ཚེས་ ༢༢ ཉིན་གྱི་ཕྱི་དྲོར་ཇར་མ་ནིའི་ཕེ་རེན་ཀ་ཕཌ་རྒྱལ་སྤྱིའི་གནམ་ཐང་དུ་ཕེབས་འབྱོར་བྱུང་སྐབས་ཇར་མ་ནིའི་བོད་ཁང་གི་འགན་འཛིན་བསྟན་འཛིན་ཐོས་བསམ་རིན་པོ་ཆེ་གཙོས་ Goethe གཙུག་ལག་སློབ་གཉེར་ཁང་གི་སློབ་དཔོན་ཟུར་པ་སྐུ་ཞབས་  Ajit Sikand Sigh ལགས། དེ་བཞིན་ Frankfurt ས་གནས་བོད་རིགས་ཚོགས་པའི་རྒྱུན་ལས་ཁག་གཅིག་དང་མང་ཚོགས་བཅས་ནས་ཕེབས་བསུའི་སྣེ་ལེན་ཞུས་ཡོད་པ་རེད། ཐེངས་འདིའི་ཆིབས་སྒྱུར་ཁྲོད་༸སྐྱབས་རྗེ་ཟམ་གདོང་རིན་པོ་ཆེ་མཆོག་གིས་འདི་ཚེས་ ༢༣ ཉིན་གྱི་སྔ་དྲོར་ཇར་མ་ནིའི་ཧེ་སེན་མངའ་སྡེའི་གྲོས་ཚོགས་ཀྱི་ཚོགས་གཙོ་ལྕམ་སྐུ་ Astrid Wallmann མཆོག་དང་མཇལ་མོལ་གནང་སྟེ་༸རྒྱལ་བའི་དགོངས་གཞི་དང་མཛད་རྗེས་སྐོར་ངོ་སྤྲོད་གནང་བ་དང་ཆབས་ཅིག ད་ལན་ལྕམ་སྐུ་ཉིད་མཇལ་རྒྱུའི་གོ་སྐབས་བྱུང་བར་ཧ་ཅང་སྐལ་བ་བཟང་ཞིང་། ཇར་མན་མང་ཚོགས་ཀྱིས་༸གོང་ས་མཆོག་དང་བོད་ཀྱི་བདེན་དོན་ལ་རྒྱུན་དུ་རྒྱབ་སྐྱོར་གནང་བར་བཀའ་དྲིན་དྲན་བཞིན་ཡོད་པ་གསུངས་རྗེས། ལྕམ་སྐུ་ Astrid ལགས་ཀྱིས་ཁོང་དེ་སྔ་གྲོས་ཚོགས་འཐུས་མི་ཡིན་སྐབས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་མཇལ་རྒྱུའི་སྐལ་བཟང་གི་གོ་སྐབས་ཐོབ་ཡོད་པ་འགྲེལ་བརྗོད་དང་སྦྲགས། ད་རེས་༸སྐྱབས་རྗེ་ཟམ་གདོང་རིན་པོ་ཆེ་མཆོག་མངའ་སྡེའི་གྲོས་ཚོགས་སུ་གདན་ཞུས་གནང་ཐུབ་པར་དགའ་ཚོར་ཆེན་པོ་བྱུང་ཞེས་གསུངས་ཏེ་ད་ལྟའི་བོད་དོན་འཐབ་རྩོད་ཀྱི་གནས་བབས་ཇི་ཆགས་སོགས་ཀྱི་སྐོར་བཀའ་འདྲི་དགོངས་སྐོར་ཞུས་འདུག དེའི་སྐོར་དབུ་ཁྲིད་རྣམ་པའི་མཇལ་མོལ་སྐབས་ལྷན་བཅར་ཞུས་མཁན་ཁོངས་སུ་ཡོད་པ་ཇར་མ་ནིའི་བོད་ཁང་གི་འགན་འཛིན་བསྟན་འཛིན་ཐོས་བསམ་རིན་པོ་ཆེ་ལ་བཀའ་འདྲི་ཞུས་ཡོད། མ་ཟད་འདི་ཚེས་ ༢༤ ཉིན་༸སྐྱབས་རྗེ་ཟམ་གདོང་རིན་པོ་ཆེ་མཆོག་ཇར་མ་ནིའི་གྲོང་ཁྱེར་ Frankfurt ནང་རྟེན་གཞི་བྱས་པའི་ཇར་མན་བོད་ཁང་ནང་ཆིབས་བསྒྱུར་མཛད་དེ་བྲག་གཡབ་༸སྐྱབས་མགོན་སྐུ་ཕྲེང་དགུ་པ་བློ་ལྡན་ཤེས་རབ་རིན་པོ་ཆེ་མཆོག་དང་མཇལ་མོལ་མཛད་ཡོད་པ་མ་ཟད། ཁུལ་དེར་ཆེད་བཅར་ཞུས་པའི་ས་གནས་བོད་མི་དང་མང་ཚོགས་རྣམས་ལ་༸རྒྱལ་བའི་ཐུགས་བསྐྱེད་དམ་བཅའ་བཞི་དང་འབྲེལ་བའི་གསུངས་བཤད་དང་ཁོང་རྣམ་པའི་དོགས་འདྲི་ཁག་ལ་བཀའ་ལན་གནང་ཡོད་འདུག ལྷག་པར་དུ་འདི་ཚེས་ ༢༥ ཉིན་བོད་དོན་རྒྱབ་སྐྱོར་ཚོགས་པ་རྙིང་གྲས་ Friedrich […] The post ༸སྐྱབས་རྗེ་ཟམ་གདོང་རིན་པོ་ཆེ་མཆོག་གིས་ཇར་མ་ནིའི་ཧེ་སེན་མངའ་སྡེའི་གྲོས་ཚོགས་ཀྱི་ཚོགས་གཙོ་མཆོག་མཇལ་མོལ་དང་༸རྒྱལ་བའི་མཛད་རྗེས་སྐོར་གསུང་བཤད་གནང་བ། appeared first on vot .

You can listen to ༸སྐྱབས་རྗེ་ཟམ་གདོང་རིན་པོ་ཆེ་མཆོག་གིས་ཇར་མ་ནིའི་ཧེ་སེན་མངའ་སྡེའི་གྲོས་ཚོགས་ཀྱི་ཚོགས་གཙོ་མཆོག་མཇལ་མོལ་དང་༸རྒྱལ་བའི་མཛད་རྗེས་སྐོར་གསུང་བཤད་གནང་བ། online on Radio and Podcast. Open the player on this page to stream the available audio.

༸སྐྱབས་རྗེ་ཟམ་གདོང་རིན་པོ་ཆེ་མཆོག་གིས་ཇར་མ་ནིའི་ཧེ་སེན་མངའ་སྡེའི་གྲོས་ཚོགས་ཀྱི་ཚོགས་གཙོ་མཆོག་མཇལ་མོལ་དང་༸རྒྱལ་བའི་མཛད་རྗེས་སྐོར་གསུང་བཤད་གནང་བ། is an episode from Voice of Tibet by Voice of Tibet.

The episode duration depends on the source podcast feed and may not always be available.

This episode was published on Apr 29, 2026.

Yes. Use the heart button on the episode page to add it to your favorite episodes list.

Yes. This page shows related episodes from Voice of Tibet when more episodes are available from the podcast feed.