རྒྱ་གར་ཞི་བདེ་རྒྱ་མཚོའི་སྒྲོམ་གཞིའི་ནང་བོད་ཀྱི་གལ་འགངས་ཇེ་ཆེར་འགྲོ་བཞིན་པའི་སྐོར་འཐབ་བྱུས་ཚོགས་འདུ།

ཉི་འོང་ནང་དུ་རྒྱ་གར་དང་བོད་ཉི་འོང་བཅས་ཀྱི་བློ་མཐུན་ལྟེ་གནས་ཁང་ཁག་གི་ཆེད་མཁས་མི་སྣ་ལྷན་འཛོམས་ཐོག་རྒྱ་གར་ཞི་བདེ་རྒྱ་མཚོའི་སྒྲོམ་གཞིའི་ནང་བོད་ཀྱི་གལ་འགངས་ཇེ་ཆེར་འགྲོ་བཞིན་པའི་གནད་དོན་སྐོར་ནང་མོལ་ཚོགས་འདུ་ཞིག་ཚོགས་འདུག དེ་ཡང་ཟླ་བ་འདིའི་ཚེས་ ༨ ཉིན་ཉི་འོང་ནང་གི་ Hitotsubashi ཧི་ཊོ་ཚུ་བ་ཤི་གཙུག་ལག་སློབ་གཉེར་ཁང་དུ་བོད་དོན་ལས་འགུལ་ལྟེ་གནས་ཁང་དང་དི་ལླིར་རྟེན་གཞི་བྱས་པའི་ Closed Door Policy Consulting འམ་སྒོ་རྒྱབ་ཀྱི་སྲིད་བྱུས་གོ་བསྡུར་ལྟེ་གནས། Asia Strategic Forum ཨེ་ཤི་ཡའི་འཐབ་བྱུས་གླེང་སྟེགས། ཉི་འོང་བོད་རང་བཙན་སློབ་ཕྲུག་ཚོགས་པ་བཅས་ཀྱི་གོ་སྒྲིག་དང་། གཙུག་ལག་སློབ་ཁང་དེ་ཉིད་ཀྱི་ Institute for Global Governance Research འམ་གོ་ལ་ཧྲིལ་པོའི་འཛིན་སྐྱོང་ཞིབ་འཇུག་ཁང་གིས་མཐུན་འགྱུར་འོག་རྒྱ་གར་དང་བོད་ཉི་འོང་བཅས་ཀྱི་བློ་མཐུན་ལྟེ་གནས་ཁང་ཁག་གི་ཆེད་མཁས་མི་སྣ་ལྷན་འཛོམས་བརྒྱུད། རྒྱ་གར་ཞི་བདེ་རྒྱ་མཚོའི་སྒྲོམ་གཞིའི་ནང་བོད་ཀྱི་གལ་འགངས་ཇེ་ཆེར་འགྲོ་བཞིན་པའི་གནད་དོན་སྐོར་ནང་མོལ་ཚོགས་འདུ་ཞིག་ཚོགས་ཡོད་པ་དང་། གནད་དོན་དེ་དང་འབྲེལ་ནས་བོད་དེ་ཨེ་ཤི་ཡའི་མ་འོངས་འཐབ་བྱུས་ཀྱི་ལྟེ་བར་གནས་ཡོད་པ་གསུངས་སོང་། ནང་མོལ་ཚོགས་འདུ་དེའི་ཐོག་ཚོགས་བཅར་བ་ ༢༠ ཙམ་མཉམ་ཞུགས་ཀྱིས་འགྱུར་ལྡོག་འགྲོ་བཞིན་པའི་རྒྱ་གར་ཞི་བདེ་རྒྱ་མཚོའི་ས་ཁུལ་གྱི་གནས་སྟངས་ཁྲོད། བོད་ཀྱི་འཐབ་བྱུས་དང་ཆབ་སྲིད། ཤུགས་རྐྱེན་བཅས་ཀྱི་སྐོར་ལ་བགྲོ་གླེང་གནང་འདུག་པ་དང་། སྐབས་དེར་ཚོགས་བཅར་བའི་ཁྲོད་ནས་རྒྱ་གར་དང་བོད། ཉི་འོང་གི་དཔལ་ཡོན་དང་འཐབ་བྱུས། བདེ་འཇགས་ཀྱི་མངོན་འདོད་ཙམ་མ་ཟད་། ནང་པའི་ཤུལ་བཞག་ཀྱི་རིག་གནས་དང་ས་གནས་ཀྱི་བརྟན་ལྷིང་། ཆུའི་བདེ་འཇགས། ཡང་སྲིད་ཀྱི་གནད་དོན་དང་འབྲེལ་ནས་ས་བབ་ཆབ་སྲིད་ཀྱི་ཤུགས་རྐྱེན། དེ་བཞིན་རྒྱ་ནག་དང་ལྷན་དུ་འབྲེལ་ལམ་གྱི་འགྱུར་བ་བཅས་ཀྱི་སྐོར་ལ་མྱུང་ཞིབ་གནང་འདུག ལྷག་པར་བོད་ནང་གི་ཛ་དྲག་གནས་སྟངས་མཚོན་པའི་རྒྱ་ནག་གི་མི་སེར་སྤེལ་ཡུལ་གྱི་བཅའ་སྡོད་སློབ་གྲྭའི་ལམ་ལུགས། ཉེ་ལམ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་སྐོར། དེ་བཞིན་རྒྱ་ཆེ་བའི་སེམས་འཚབ་བྱ་ཡུལ་ཏེ། མི་རིགས་ཀྱི་ངོ་བོ་རྩ་མེད་དང་རིག་གཞུང་མཉམ་བསྲེས་ཀྱི་གནད་དོན་སོགས་ཀྱི་སྐོར་ལ་མྱུར་ཞིབ་གནང་ཡོད་ཅིང་། ཕྱོགས་མཚུངས་ཆེད་མཁས་མི་སྣ་དེ་དག་གིས་ས་ཁུལ་བརྟན་ལྷིང་དང་འགྲོ་བ་མིའི་ཐོབ་ཐང་། ཨེ་ཤི་ཡ་ནང་མང་གཙོའི་མཉམ་ལས་བཅས་ལ་རྒྱ་ནག་གི་བྱེད་བབ་དེ་དག་གི་ཤུགས་རྐྱེན་སྐོར་དཔྱད་ཞིབ་འབྲུ་དོན་ཡང་མངོན་གསལ་གནང་ཡོད་པ་རེད་འདུག ཚོགས་འདུ་དབུ་འབྱེད་གསུང་བཤད་སྐབས་ཉི་འོང་བོད་ཀྱི་སྐུ་ཚབ་དོན་གཅོད་ཨཱརྱ་ཚེ་དབང་རྒྱལ་པོ་ལགས་དང་འབུམ་རམས་པ་རྒྱལ་ལོ་ལགས་ཀྱིས་ད་ལྟའི་ཆར་བོད་ནང་གཞིས་བཞུགས་བོད་མིར་འཕྲད་བཞིན་པའི་དངོས་ཡོད་གནས་སྟངས་སྐོར་གསུངས་ཡོད་ཅིང་། ཚོགས་འདུ་གྲུབ་མཚམས་བློ་མཐུན་ལྟེ་གནས་གནས་གི་ཆེད་མཁས་མི་སྣ་དེ་དག་གི་ནང་མོལ་ཚོགས་འདུ་དང་འབྲེལ་ནས་བཀའ་མོལ་གནང་བའི་ཁྲོད། ཉི་འོང་བོད་ཀྱི་སྐུ་ཚབ་དོན་གཅོད་ཨཱརྱ་ཚེ་དབང་རྒྱལ་པོ་ལགས་ཀྱིས། ད་རེས་ཚོགས་འདུའི་དེའི་ཐོག་ནས་ཆེད་མཁན་མི་སྣ་མང་པོས་བོད་ཀྱི་གནད་དོན་དེ་བོད་ཙམ་མིན་པར་རྒྱ་ཆེ་ས་ནས་རྒྱལ་སྤྱིའི་གནད་དོན་ཞིག་ཆགས་ཀྱི་ཡོད་པ་གསལ་སྟོན་དང་། རྒྱ་ནག་གིས་བོད་ནང་དྲག་གནོན་ཀྱི་སྲིད་བྱུས་དེ་དག་ཁྲིམས་མཐུན་ཡིན་ལུགས་ཀྱི་འབད་བརྩོན་བྱེད་བཞིན་ཡོད་སྟབས། རྒྱལ་སྤྱིའི་སྤྱི་ཚོགས་ནས་གནད་དོན་དེར་སྣང་མེད་དུ་བཞག་ཚེ། རྒྱ་ཆེ་ས་ནས་རྒྱ་གར་ཞི་བདེ་རྒྱ་མཚོའི་ཁུལ་དང་། ལྷག་པར་རྒྱ་གར་དང་ཉི་འོང་། ཐའེ་ཝན་བཅས་ཀྱི་ས་ཁུལ་བརྟན་ལྷིང་ལ་ཡུན་རིང་པོའི་ཤུགས་རྐྱེན་ངན་པ་ཡོང་རྒྱུ་ཡིན་པ་གསལ་སྟོན་ཐོག ཉི་འོང་ནང་དེ་ལྟ་བུའི་བགྲོ་གླེང་མུ་མཐུད་འཚོགས་དགོས་རྒྱུ་གལ་ཆེན་པོ་ཡིན་པ་གསུངས་སོང་། དེ་བཞིན་དི་ལླིར་རྟེན་གཞི་བྱས་པའི་ Closed […] The post རྒྱ་གར་ཞི་བདེ་རྒྱ་མཚོའི་སྒྲོམ་གཞིའི་ནང་བོད་ཀྱི་གལ་འགངས་ཇེ་ཆེར་འགྲོ་བཞིན་པའི་སྐོར་འཐབ་བྱུས་ཚོགས་འདུ། appeared first on vot .

You can listen to རྒྱ་གར་ཞི་བདེ་རྒྱ་མཚོའི་སྒྲོམ་གཞིའི་ནང་བོད་ཀྱི་གལ་འགངས་ཇེ་ཆེར་འགྲོ་བཞིན་པའི་སྐོར་འཐབ་བྱུས་ཚོགས་འདུ། online on Radio and Podcast. Open the player on this page to stream the available audio.

རྒྱ་གར་ཞི་བདེ་རྒྱ་མཚོའི་སྒྲོམ་གཞིའི་ནང་བོད་ཀྱི་གལ་འགངས་ཇེ་ཆེར་འགྲོ་བཞིན་པའི་སྐོར་འཐབ་བྱུས་ཚོགས་འདུ། is an episode from Voice of Tibet by Voice of Tibet.

The episode duration depends on the source podcast feed and may not always be available.

This episode was published on May 11, 2026.

Yes. Use the heart button on the episode page to add it to your favorite episodes list.

Yes. This page shows related episodes from Voice of Tibet when more episodes are available from the podcast feed.