༢༠༢༦ ལོའི་དངོས་གཞིའི་འོས་བསྡུའི་ནང་བརྒྱ་ཆ་ ༤༥ ལྷག་ཙམ་གྱི་མ་གཏོགས་མཉམ་ཞུགས་གནང་མི་འདུག

ཉེ་བའི་ཆར་བལ་ཡུལ་མཆོད་འཇོར་ས་གནས་མི་མང་གནད་དོན་དང་འབྲེལ་ཁྲིམས་རྩོད་པའི་ངོས་ནས་ཆེས་མཐོའི་ཁྲིམས་ཞིབ་ཁང་ལ་དངོས་གཞིའི་འོས་བསྡུའི་གྲུབ་འབྲས་གསལ་བསྒྲགས་དེ་གནས་སྐབས་ཕར་འགྱངས་ཀྱིས་བར་བརྒལ་བཀའ་ཁྱབ་ཀྱི་ཞུ་སྙན་ཐེངས་གཉིས་ཕུལ་ཡོད་མེད་ལ་མ་ལྟོས་པར་དེ་རིང་ཕྱི་ཟླ་ ༥ ཚེས་ ༡༣ ཉིན་དབུས་འོས་བསྡུ་ལས་ཁང་གི་ ༢༠༢༦ ལོའི་སྐབས་ ༡༨ པའི་བོད་མི་མང་སྤྱི་འཐུས་ཀྱི་དངོས་གཞི་འོས་བསྡུ་གྲུབ་འབྲས་གསལ་བསྒྲགས་བསྐྱངས་སོང་བ་དང་། དངོས་གཞིའི་འོས་བསྡུ་ནང་བོད་མི་བརྒྱ་ཆ་ ༤༥་༧༡ ཡིས་མ་གཏོགས་ཆ་ཤས་བླངས་མི་འདུག རྩ་བའི་ཟླ་བ་འདིའི་ཚེས་ ༥ ཉིན་བལ་ཡུལ་མཆོད་འཇོར་ས་གནས་མི་མང་གི་འཐུས་ཚབ་བློ་བཟང་ཚེ་རིང་ལགས་ཀྱིས་བལ་ཡུལ་མཆོད་འཇོར་ས་གནས་མི་མང་དང་དགོན་སྡེ་ཁག་དྲུག་བཅས་ཀྱི་ཐོབ་ཐང་བཀག་སྐྱིལ་བྱས་པར་དབུས་འོས་བསྡུ་ལས་ཁང་ལ་ཁྲིམས་གཏུགས་བྱ་རྒྱུའི་ཆེད་དུ་ཆེས་མཐོའི་ཁྲིམས་ཞིབ་ཁང་ལ་ཞུ་སྙན་ཕུལ་ཡོད་པ་དང་འབྲེལ། ད་ལྟའི་ཆར་ཁྲིམས་གཏུག་ཀྱི་གནས་སྟངས་འགྲོ་མུས་ཡིན་པར་བརྟེན། དེ་རིང་གསར་འགོད་ལྷན་ཚོགས་ཐོག་དབུས་འོས་བསྡུའི་ལས་ཁང་གི་འགན་འཛིན་རྣམ་པས་བལ་ཡུལ་མཆོད་འཇོར་གྱི་འོས་བསྡུའི་གནས་སྟངས་དང་འབྲེལ་བའི་དྲི་བ་ཁག་ལ་ཆེས་མཐོའི་ཁྲིམས་ཞིབ་ཁང་གི་བཀོད་ཁྱབ་གཞིར་བཟུང་གསལ་བཤད་གནང་མ་སོང་། ༢༠༢༦ ལོའི་འོས་བསྡུ་ཆེན་མོའི་ཁྲོད་རྒྱལ་ཁབ་ ༢༧ ནང་དེབ་སྐྱེལ་བྱེད་མཁན་ཁྱོན་མི་གྲངས་ ༩༡༠༧༣ བྱུང་ཡོད་པ་དང་། དངོས་གཞིའི་འོས་བསྡུའི་ནང་འོས་འཕེན་པ་གྲངས་ ༤༡༦༣༨ སྟེ། བརྒྱ་ཆ་ ༤༥་༧༡ ཡིས་ཆ་ཤས་བླངས་འདུག དེ་ནི་སྔོན་འགྲོའི་སྐབས་ཀྱི་འོས་འཕེན་པའི་གྲངས་འབོར་ལས་བརྒྱ་ཆ་ ༡༡ ཙམ་གྱི་ཉུང་བ་ཆགས་ཀྱི་ཡོད་སྟབས། གནད་དོན་དེ་དང་འབྲེལ་ནས་འདི་ག་གསར་འགོད་པས་བཙན་བྱོལ་བོད་མིའི་མང་གཙོའི་གནས་སྟངས་ལ་བློ་འཚབ་ཀྱི་རྣམ་པ་ཡོང་གི་ཡོད་སྐོར་བཀའ་འདྲི་ཞུས་པར། དབུས་འོས་བསྡུ་འགན་འཛིན་མཆོག་གིས་གནད་དོན་དེ་བློ་ཕམ་གྱི་རང་བཞིན་ཞིག་ཆགས་ཀྱི་ཡོད་པ་སོགས་གསུངས་སོང་། དེ་བཞིན་བལ་ཡུལ་ནང་གི་འོས་བསྡུའི་གནད་ཚུལ་དེ་རྒྱ་ཁྱབ་ཆེན་པོ་ཕྱིན་ཡོད་སྟབས། མ་འོངས་པའི་བལ་ཡུལ་ནང་འོས་བསྡུ་བྱེད་ཕྱོགས་ཐོག་དཀའ་ངལ་བྱུང་ཚེ་དེའི་འགན་ལེན་སུས་འཁུར་གྱི་རེད་དམ་ཞེས་དྲི་པར། དེའི་འགན་དེ་དབུས་འོས་བསྡུ་ལས་ཁང་མེད་པ་གསུངས་སོང་། གཞན་ཡང་ད་རེས་འོས་བསྡུའི་གྲུབ་འབྲས་གསལ་བསྒྲགས་ཐོག་དབུས་འོས་བསྡུའི་འགན་འཛིན་རྣམ་པས་འོས་བསྡུའི་ལས་དོན་ཡོངས་རྫོགས་ལྷག་བསམ་རྣམ་དག་གིས་གནང་ཡོད་སྐོར་དང་། དངོས་གཞིའི་འོས་གཞི་གཏན་འབེབས་སྐབས། མདོ་སྨད་ཆོལ་ཁ་དང་དགེ་ལུགས། ས་སྐྱ་བཅས་ཀྱི་ཐོབ་ཁུངས་ནས་ནས་འོས་གཞིར་མི་འགྲོ་མ་འདང་བའི་གནད་དོན་བྱུང་སྐབས། འོས་མི་ཁག་གཅིག་ནས་དངོས་གཞི་འོས་གཞིར་བཞེངས་རྒྱུར་ཁས་ལན་རྒྱབ་སྐྱོར་གནང་བར་ཐུགས་རྗེ་ཆེ་ཞེས་ཞུས་པ་མ་ཟད། འོས་བསྡུའི་ལས་རིམ་ཁྲོད་སྤྱི་འཐུས་འོས་མི་གཉིས་ཀྱི་ཡོང་ཁུངས་ས་གནས་གཅིག་ཡིན་ཡང་ཆོལ་ཁ་ལོགས་སུ་ནས་བཞེངས་བའི་གནད་དོན་དང་འབྲེལ་བའི་རྩོད་རྙོག་དང་། གཞན་ཡང་གང་ཟག་ཁག་གཅིག་གིས་དངོས་གཞི་འོས་བསྡུའི་ལས་རིམ་ཁྲོད་མང་ཚོགས་ལ་སྡིགས་ར་སྐུལ་ཡོད་མེད་སོགས་ཀྱི་གནད་དོན་མང་དག་ཅིག་གསལ་བཤད་གནང་སོང་། དེ་རིང་བཙན་བྱོལ་བོད་མིའི་དངོས་གཞིའི་འོས་བསྡུའི་གསལ་བསྒྲགས་དང་འབྲེལ་བཙན་བྱོལ་བོད་མིའི་བཅའ་ཁྲིམས་ནང་གསལ་ལྟར། འོས་བསྡུ་འགན་འཛིན་ལས་འཕར་གཉིས་ཀྱི་ལས་ཡུན་དེ་སྲིད་སྤྱི་གཉིས་ཀྱི་འོས་བསྡུ་ཆེན་མོའི་ལས་རིམ་གསལ་བསྒྲགས་གནང་བ་ནས་བཟུང་དངོས་གཞིའི་གྲུབ་འབྲས་གསལ་བསྒྲགས་མ་ཟིན་གྱི་བར་དུ་ཆགས་ཀྱི་ཡོད་སྟབས། ད་རིང་ནས་བཟུང་འོས་བསྡུའི་འགན་འཛིན་ལས་འཕར་གཉིས་ཀྱི་ལས་ཡུན་ཟིན་གྱི་ཡོད་པ་རེད། གཞི་རྩའི་བཙན་བྱོལ་བོད་མིའི་འོས་བསྡུའི་ནང་ཆ་ཤས་ལེན་མཁན་དེ་སྔོན་ཕྱི་ལོ་ ༢༠༡༡ ལོར་བརྒྱ་ཆ་ ༥༩ དང་། ཕྱི་ལོ་ ༢༠༡༦ ལོར་བརྒྱ་ཆ་ […] The post ༢༠༢༦ ལོའི་དངོས་གཞིའི་འོས་བསྡུའི་ནང་བརྒྱ་ཆ་ ༤༥ ལྷག་ཙམ་གྱི་མ་གཏོགས་མཉམ་ཞུགས་གནང་མི་འདུག appeared first on vot .

You can listen to ༢༠༢༦ ལོའི་དངོས་གཞིའི་འོས་བསྡུའི་ནང་བརྒྱ་ཆ་ ༤༥ ལྷག་ཙམ་གྱི་མ་གཏོགས་མཉམ་ཞུགས་གནང་མི་འདུག online on Radio and Podcast. Open the player on this page to stream the available audio.

༢༠༢༦ ལོའི་དངོས་གཞིའི་འོས་བསྡུའི་ནང་བརྒྱ་ཆ་ ༤༥ ལྷག་ཙམ་གྱི་མ་གཏོགས་མཉམ་ཞུགས་གནང་མི་འདུག is an episode from Voice of Tibet by Voice of Tibet.

The episode duration depends on the source podcast feed and may not always be available.

This episode was published on May 13, 2026.

Yes. Use the heart button on the episode page to add it to your favorite episodes list.

Yes. This page shows related episodes from Voice of Tibet when more episodes are available from the podcast feed.