མོན་གྷོ་རུ་བོད་པའི་དགེ་འདུན་པ་ཞིག་དམར་གསོད་གཏོང་མཁན་ལག་དམར་བ་ ༥ འཛིན་བཟུང་།

ཉེ་ཆར་ཕྱི་ཟླ་ ༤ ཚེས་ ༢༩ ཉིན་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་དུ་རྟེན་གཞི་བྱས་པའི་བྱེས་ཀྱི་གདན་ས་དགའ་ལྡན་བྱང་རྩེ་གྲྭ་ཚང་གི་གྲྭ་བཀྲ་ཤིས་དོན་གྲུབ་ལགས་སུ་རྐང་ལག་བསྡམས་ཏེ་བསད་རྗེས་ཕུང་པོ་རྙེད་སོན་བྱུང་ཡོད་པ་དང་འབྲེལ། ཉིན་དྲུག་པ་འགྲོ་བཞིན་པ་དང་བསྟུན་ཁ་ཉིན་ས་གནས་ཉེན་རྟོག་པས་ཉེས་ཅན་པ་མི་གསུམ་འཛིན་བཟུང་དང་ཁ་སང་ཉེས་ཅན་པ་མི་༢ འཛིན་བཟུང་དང་སྦྲགས་ཁྱོན་ཉེས་ཅན་པ་ ༥ ཆ་ཚང་འཛིན་བཟུང་བྱས་འདུག དེ་ཡང་ཟླ་ ༤ ཚེས་ ༢༩ ཉིན་གྱི་སྔ་དྲོར་གྲྭ་བཀྲ་ཤིས་དོན་གྲུབ་ལགས་ཀྱི་ཕུང་པོ་དྷར་ཝཌ་གྲོང་ཁྱེར་གྱི་མཐའ་མཚམས་ཤིག་ཏུ་རྙེད་སོན་བྱུང་ཡོད་པ་དང་། ཤེས་རྟོགས་བྱུང་བར་གཞིགས་ན། ཉིན་གཅིག་གོང་གི་དགོང་མོའི་ཕྱག་ཚོད་ ༡༡ ཡོལ་ཙམ་ལ་གྲྭ་བཀྲ་ཤིས་དོན་གྲུབ་ལགས་ཀྱི་རྐང་ལག་བསྡམས་ཏེ་བཀྲོངས་ཡོད་པ་མ་ཟད། ཉེན་རྟོག་པས་དོན་རྐྱེན་འདིར་རྩད་གཅོད་བྱས་པའི་རྗེས་སུ་ཁ་ཉིན་ཉེས་ཅན་པ་གསུམ་འཛིན་བཟུང་དང་ཁ་སང་མི་གཉིས་འཛིན་བཟུང་བྱས་ཡོད་འདུག གནས་ཚུལ་ལ་གཞིགས་ན་གྲྭ་བཀྲ་ཤིས་དོན་གྲུབ་ལགས་དངུལ་གྱི་ཆེད་དུ་བསད་པ་ཞིག་ཆགས་ཀྱི་འདུག་པ་མ་ཟད། ཐོག་མར་མི་བསད་མཁན་དེ་དག་གིས་གྲྭ་བཀྲ་ཤིས་དོན་གྲུབ་ལགས་ལ་དངུལ་ཡོད་པར་བསམ་ནས་བཙན་ཁྲིད་བྱས་པ་དང་རྗེས་སུ་གྲྭ་ བཀྲ་ཤིས་དོན་གྲུབ་ལགས་ལ་དངུལ་སྒོར་གཅིག་ཀྱང་མེད་པ་ཤེས་རྗེས་ཁོང་བསད་དེ་ཉེས་ཅན་པ་དེ་དག་བྲོས་ཡོད་འདུག རྩ་བའི་ཉེས་ཅན་པ་དེ་དག་རྒྱ་གར་གྱི་མངའ་སྡེ་མ་ཧ་རཱས་ཊ་ནས་མོན་གྷོ་རྫོང་ཁོངས་སུ་ལོ་ལྟར་བུར་ཤིང་གཅོད་འབྲེག་ཆེད་དུ་སླེབས་ཀྱི་ཡོད་པ་དང་ཁོང་རྣམས་ཀྱིས་གྲྭ་བཀྲ་ཤིས་དོན་གྲུབ་ལགས་བསད་རྗེས་ལམ་ཞོར་དུ་ཕུང་པོ་གཡུགས་ཡོད་འདུག ཤེས་རྟོགས་བྱུང་བར་གཞིགས་ན་ད་བར་ཉེན་རྟོག་པས་མི་ལྔ་འཛིན་བཟུང་བྱས་པ་དེ་དག་ནས་གསུམ་ནི་ Sangeetha Yadav དང་། Vaibhav Chavan དེ་བཞིན་ Siddesh Bhosle བཅས་ཡིན་པ་དང་། མི་གཞན་གཉིས་ཀྱི་མིང་ད་ལྟའི་ཆར་ཁ་གསལ་མེད་པ་དང་ཁོང་ལྔ་པོ་མཱ་ཧ་ར་ས་ཊ་མངའ་སྡེ་ནས་ཡིན་པ་རེད་འདུག གནད་དོན་དེ་འབྲེལ་འདི་ག་རླུང་འཕྲིན་ཁང་གིས་ལྷོ་སྤྱི་འཇིགས་མེད་ཚུལ་ཁྲིམས་ལགས་སུ་བཀའ་འདྲི་ཞུས་པར་ཁོང་གིས། དེ་རིང་དྷར་ཝཌ་ས་གནས་ཉེན་རྟོག་པ་དང་ཚོགས་འདུ་འཚོགས་ཡོད་པ་དང་འབྲེལ། སྐབས་དེར་ཉེན་རྟོག་པ་རྣམས་ཀྱིས་སང་ཉིན་ནས་བཟུང་ཁྲིམས་ཁང་ལ་ཁྲིམས་གཏུག་གནང་རྒྱུ་ཡིན་པ་མ་ཟད། ཉེས་ཅན་པ་དེ་དག་ལ་ཉེས་པ་ཚབས་ཆེན་ཕོག་ཐབས་བྱེད་ཀྱི་ཡིན་པ་སོགས་གསུངས་འདུག The post མོན་གྷོ་རུ་བོད་པའི་དགེ་འདུན་པ་ཞིག་དམར་གསོད་གཏོང་མཁན་ལག་དམར་བ་ ༥ འཛིན་བཟུང་། appeared first on vot .

You can listen to མོན་གྷོ་རུ་བོད་པའི་དགེ་འདུན་པ་ཞིག་དམར་གསོད་གཏོང་མཁན་ལག་དམར་བ་ ༥ འཛིན་བཟུང་། online on Radio and Podcast. Open the player on this page to stream the available audio.

མོན་གྷོ་རུ་བོད་པའི་དགེ་འདུན་པ་ཞིག་དམར་གསོད་གཏོང་མཁན་ལག་དམར་བ་ ༥ འཛིན་བཟུང་། is an episode from Voice of Tibet by Voice of Tibet.

The episode duration depends on the source podcast feed and may not always be available.

This episode was published on May 6, 2026.

Yes. Use the heart button on the episode page to add it to your favorite episodes list.

Yes. This page shows related episodes from Voice of Tibet when more episodes are available from the podcast feed.