དཔལ་འབྱོར་ཉམས་རྒུད་ཀྱིས་གསར་འགོད་རང་དབང་ལ་ཉེན་ཁ་ཆེན་པོ་བཟོ་བཞིན་ཡོད་པ་མངོན་གསལ།

རྒྱལ་མཚམས་མེད་པའི་གསར་འགོད་མཐུན་ཚོགས་ཀྱིས་ཕྱི་ལོ་ ༢༠༢༦ ལོའི་རྒྱལ་སྤྱིའི་གསར་འགོད་རང་དབང་གི་གནས་བབ་དང་འབྲེལ་བའི་ལོ་འཁོར་སྙན་ཐོ་འདོན་སྤེལ་གནང་བའི་ནང་། རྒྱ་ནག་ནི་སླར་ཡང་གསར་འགོད་པ་ཆེས་མང་ཤོས་བཙོན་འཇུག་བྱེད་མཁན་གྱི་རྒྱལ་ཁབ་ཅིག་ཡིན་པ་དང་ལྷག་པར་དུ་དཔལ་འབྱོར་ཉམས་རྒུད་ཀྱིས་གསར་འགོད་རང་དབང་ལ་ཉེན་ཁ་ཆེན་པོ་བཟོ་བཞིན་ཡོད་པ་མངོན་གསལ་གནང་འདུག དེའང་ཕ་རན་སིའི་རྒྱལ་ས་པེ་རིས་ནང་དུ་རྟེན་གཞི་བྱས་པའི་ Reporters Without Borders འམ་རྒྱལ་མཚམས་མེད་པའི་གསར་འགོད་མཐུན་ཚོགས་ཀྱིས། ད་ལན་འཛམ་གླིང་རྒྱལ་ཁབ་ ༡༨༠ ནང་འདས་པའི་ལོ་གཅིག་གི་རིང་ལ་གསར་འགོད་པར་རང་དབང་ཇི་ཙམ་སྤྲད་ཡོད་མེད་དང་འབྲེལ་བའི་དཔྱད་ཞིབ་ཀྱིས་དཀར་ཆག་སྙན་ཐོ་ཞིག་འདོན་སྤེལ་གནང་བའི་བརྒྱུད། གསར་འགོད་ལས་རིགས་ཀྱི་དཔལ་འབྱོར་གནས་སྟངས་དང་དཔལ་འབྱོར་གྱི་གནོན་ཤུགས་ཀྱི་བྱ་ཐབས་དེས་ཕྱི་ལོ་ ༢༠༢༥ ལོའི་འཛམ་གླིང་ཡོངས་ཀྱི་གསར་འགོད་རང་དབང་ཉམས་རྒུད་དུ་ཕྱིན་པར་མཚོན་གྱི་ཡོད་པ་མངོན་གསལ་གནང་བ་མ་ཟད། ༢༠༢༥ ལོའི་རྒྱལ་མཚམས་མེད་པའི་གསར་འགོད་མཐུན་ཚོགས་ཀྱི་འཛམ་གླིང་གསར་འགོད་རང་དབང་གི་དཔྱད་ཞིབ་དཀར་ཆག་ནང་དཔལ་འབྱོར་གྱི་ཚད་གཞི་དེ་སྔར་ལས་ཀྱང་མར་ཆག་སྟེ་ལོ་རྒྱུས་ཀྱི་དམའ་ཤོས་སུ་སླེབས་ཡོད་པ་དང་རྒྱལ་སྤྱིའི་གནས་སྟངས་དེ་ད་ལྟ་དཀའ་ངལ་ཅན་དུ་བརྩི་བཞིན་ཡོད་པ་འགྲེལ་བརྗོད་གནང་འདུག ཚོགས་པའི་དཔྱད་ཞིབ་ཁྲོད་རྒྱ་ནག་དེ་གསར་འགོད་པའི་རང་དབང་གནས་བབ་ཐོག་ཆེས་སྡུག་ཤོས་ཀྱི་གཤམ་ནས་རྩིས་པའི་ཨང་རིམ་ ༡༧༨ པར་ངོས་འཛིན་བྱས་འདུག་པ་དང་འདས་པའི་ལོ་གཅིག་ནང་གསར་འགོད་པ་བཀག་ཉར་བྱས་པའི་སྡེ་ཚན་ཁོངས་སུ་རྒྱ་ནག་དང་བྱང་ཀོ་རི་ཡ། ཨི་རཎ། ཝི་ཏི་ནམ། དེ་བཞིན་ཨུ་རུ་སུ་བཅས་ཀྱིས་གསར་འགོད་པ་བཀག་ཉར་མང་ཤོས་བྱས་ཡོད་སྟབས་རྒྱལ་ཁབ་ལྔ་པོ་དེ་དག་ཆེས་མངོན་གསལ་གནང་འདུག་པ་མ་ཟད། རྒྱ་ནག་དེ་འཛམ་གླིང་ནང་གསར་འགོད་པ་བཀག་ཉར་གྱིས་བཙོན་འཇུག་མང་ཤོས་བྱེད་མཁན་ཆེས་སྡུག་ཤོས་ཀྱི་རྒྱལ་ཁབ་ཁོངས་སུ་ཐེར་འདོན་བྱས་འདུག སྙན་ཐོའི་ནང་ ༢༠༢༥ ལོའི་འཛམ་གླིང་གསར་འགྱུར་རང་དབང་གི་གནས་བབ་དང་འབྲེལ་བའི་དཀར་ཆག་གི་གྲངས་ཐོ་ལྟར་བྱས་ན། དཔྱད་ཞིབ་གནང་བའི་རྒྱལ་ཁབ་ ༡༨༠ ནང་ནས་ ༡༦༠ ཡི་གསར་འགྱུར་བརྒྱུད་ལམ་ཁག་ལ་དཔལ་འབྱོར་སྲ་བརྟན་དཀའ་བའམ་ཡང་ན་གཏན་ནས་སྲ་བརྟན་བྱེད་མི་ཐུབ་པར་འགྱུར་མུས་ཡིན་པ་མ་ཟད། གནས་སྟངས་ཐབས་སྡུག་པ་ཞིག་ལ་རྒྱལ་ཁབ་གསུམ་ཆ་གཅིག་ནང་གསར་འགྱུར་བརྒྱུད་ལམ་ཁག་དངུལ་གྱི་དཀའ་ངལ་རྐྱེན་པས་སྒོ་རྒྱག་བཞིན་ཡོད་པ་དང་དེའི་ཁོངས་སུ་ཨ་རི་དང་ཊུ་ནི་ཤི་ཡ། ཨར་ཇེན་ཊི་ནི་བཅས་ཚུད་ཡོད་པ་བཀོད་འདུག མ་ཟད་ཨ་རིའི་ནང་དུ་མཚོན་ན། འདས་པའི་ལོ་གཉིས་ཀྱི་རིང་ལ་དཔལ་འབྱོར་གྱི་གནས་སྟངས་ཧ་ཅང་ཉམས་རྒུད་དུ་ཕྱིན་ཡོད་པ་དང་ས་གནས་མང་པོར་ད་ཆ་ས་གནས་ཀྱི་གསར་འགྱུར་ཧ་ཅང་ཉུང་ངུ་ཡང་ན་གཅིག་ཀྱང་མེད་པ་ཆགས་ཡོད་པ་དང་། ལྷག་པར་དུ་སྲིད་འཛིན་ཊོ་ནལ་ཊམ་མཆོག་གི་སྐབས་གཉིས་པའི་ལས་ཡུན་རིང་གསར་འགོད་པ་ཚོར་གནོན་ཤུགས་ཇེ་ཆེར་ཕྱིན་ཏེ་ United States Agency for Global Media འམ་ USAGM ཞེས་ཨ་རིའི་བརྒྱུད་ལམ་ལས་ཁུངས་ཀྱི་རོགས་དངུལ་གློ་བུར་དུ་བཅད་པའི་རྐྱེན་གྱིས་ཨ་རིའི་རླུང་འཕྲིན་ཁང་དང་ཨེ་ཤ་ཡ་རང་དབང་རླུང་འཕྲིན་ཁང་ལྟ་བུའི་བརྒྱུད་ལམ་ཁག་ལ་ཤུགས་རྐྱེན་ཐེབས་པ་མ་ཟད། མི་གྲངས་ས་ཡ་ ༤༠༠ ལྷག་གིས་ཡིད་རྟོན་རུང་བའི་གསར་འགྱུར་ལ་སྤྱོད་པའི་ཐོབ་ཐང་མེད་པར་གྱུར་ཡོད་པ་བརྗོད་འདུག ལྷག་པར་དུ་ཨེ་ཤེ་ཡ་དང་ཞི་བདེ་རྒྱ་མཚོའི་མངའ་ཁུལ་གྱི་རྒྱལ་ཁབ་དང་ས་ཁུལ་ ༣༢ ནང་ནས་རྒྱལ་ཁབ་ ༢༠ ཡི་དཔལ་འབྱོར་གྱི་གནས་བབ་ ༢༠༢༥ ལོའི་འཛམ་གླིང་གསར་འགོད་རང་དབང་དཀར་ཆག་ནང་ཉམས་རྒུད་ཕྱིན་པ་མཐོང་རྒྱུ་ཡོད་པ་མ་ཟད། […] The post དཔལ་འབྱོར་ཉམས་རྒུད་ཀྱིས་གསར་འགོད་རང་དབང་ལ་ཉེན་ཁ་ཆེན་པོ་བཟོ་བཞིན་ཡོད་པ་མངོན་གསལ། appeared first on vot .

You can listen to དཔལ་འབྱོར་ཉམས་རྒུད་ཀྱིས་གསར་འགོད་རང་དབང་ལ་ཉེན་ཁ་ཆེན་པོ་བཟོ་བཞིན་ཡོད་པ་མངོན་གསལ། online on Radio and Podcast. Open the player on this page to stream the available audio.

དཔལ་འབྱོར་ཉམས་རྒུད་ཀྱིས་གསར་འགོད་རང་དབང་ལ་ཉེན་ཁ་ཆེན་པོ་བཟོ་བཞིན་ཡོད་པ་མངོན་གསལ། is an episode from Voice of Tibet by Voice of Tibet.

The episode duration depends on the source podcast feed and may not always be available.

This episode was published on May 1, 2026.

Yes. Use the heart button on the episode page to add it to your favorite episodes list.

Yes. This page shows related episodes from Voice of Tibet when more episodes are available from the podcast feed.