Café Bundestag – la Germania avant las elecziuns

Ils 23 da favrer èn var 60 milliuns Tudestgas ed Tudestgs clamads a l’urna. I vala d’eleger ils represchentants e las represchentantas en il Bundestag, il parlament da la Germania. Il medem mument decidan noss vischins era davart la regenza futura. Suenter che la coaliziun da la SPD, Bündnis 90/Die Grünen e la FDP è dada dapart, han ils conservativs da la CDU e da la CSU bunas schanzas da metter il nov chancelier. En la «Marella» dain nus in sguard sin il sistem electoral da la Germania ed illuminain la situaziun economica dal pajais che ha, sper il tema da la migraziun, in’influenza essenziala sin la decisiun da las electuras e dals electurs. Ultra da quai vegnin nus a discutar davart la relaziun tranter la Svizra e la Germania ch’è marcada d’ina lunga istorgia e che n’è betg adina stada simpla. In auter tema da nossa emissiun è il success remartgabel da la partida «Alternative für Deutschland». Naschida avant dudesch onns sco partida eurosceptica è l’AfD sa sviluppada ad ina partida per part radicala da dretga che pudess tenor retschertgas recaltgar 20 pertschient da las vuschs.

You can listen to Café Bundestag – la Germania avant las elecziuns online on Radio and Podcast. Open the player on this page to stream the available audio.

Café Bundestag – la Germania avant las elecziuns is an episode from Café federal by Radiotelevisiun Svizra Rumantscha (RTR).

This episode is 37:48 long.

This episode was published on Feb 15, 2025.

Yes. Use the heart button on the episode page to add it to your favorite episodes list.

Yes. This page shows related episodes from Café federal when more episodes are available from the podcast feed.