Good Spring Co Ltd - Soundwalk 3

喺柜台 你会见到啲伙计喺你面前执药 闻唔闻到啊 龟板 蛤蚧 燕窝同埋催情嘅鹿尾巴 仲有听闻会帮助女性怀孕嘅鹿茸 有冇睇到佢哋用传统嘅手称来称药咧？ 喺啲铺头入边 你会见到个医生坐喺木台后面 嗰个男仔嘅爸爸以前都坐喺度 帮人睇病 佢哋会用手指㧺住你嘅手腕把脉 仲会叫你擘大口伸条脷出嚟 佢同我讲 佢阿爸话可以由条脷睇出你嘅身体状况 喺呢度 只要你一直饮佢哋嘅药 就冇病医唔好 柜台对出条街放咗张台 摆满一杯杯嘅凉茶 台上边有三种凉茶係可以拣嘅 第一种係五花茶 係一种黄色嘅清茶 甜甜哋 主治伤风同埋喉咙痛 黑色嘅係廿四味 增强免疫力 参茶係气味好浓嘅黄色茶 对失眠嘅人特别有效 净係五蚊 不妨试一杯阿 揿个暂停制 我会等你 饮完凉茶未啊？ 依家行出药铺 我哋企喺摆咗凉茶台嘅入口 背住药铺 你喺士丹利街 转左 行过阁麟街 沿住士丹利街落山 条扶手电梯就喺我哋嘅头顶上边 依家你行到去 香港中环最后一个街市 你身边嘅係依家所剩无几嘅熟食档 大排档 政府想拆咗呢啲大排档 但係我哋都好钟意呢度 前左方有一间以银色同埋玻璃为主嘅餐厅 转左 行上吉士笠街呢条巷 一直行 穿过大排档啲台 下次你嚟 一定要试下呢度嘅汤 面 云吞同埋牛腩 仲有无论係煎炒煮炸都係咁好食嘅鱼同埋菜 依家我哋喺吉士笠街同威灵顿街嘅交界 右转入威灵顿街 睇下左边嘅楼同埋地铺 都係用木头同埋钢条支撑住 喺呢度停一停 差唔多一百年喇 呢度一啲都冇变 都係卖紧传统嘅食品 睇下笼入边嘅雀仔几得意 佢系唯一嘅非卖品 你依家嚟到威灵顿街同埋嘉咸街嘅交界 转左 上嘉咸街 我哋依家就嚟睇下色彩缤纷 繁华嘅香港 嗰个男仔喺呢度送咗揸花畀我 黄色同埋红色嘅花 几百年嚟 广东人为咗唔同嘅节日 季节 习俗 同埋口味 创造咗数之不尽嘅食物 你闻唔闻到唔同嘅味道 甜 酸 咸 苦 臭 仲有辣 你会发现 所有嘅档主都係老人家 好多喺呢度已经摆档摆咗三十年喇 因为政府决定咗封咗个街市 档主就唔续个小贩牌 亦都因为係咁 佢哋嘅子女都唔可以继承家族嘅生意 眼前嘅一切 都会喺记忆中消失 我哋一路行上山 我喺呢度买咗个芒果畀个男仔 我话 佢同你嘅味好似 依家 我哋嚟到结志街同埋威灵顿街交界 喺呢度停低 睇下左边 你见唔见到啲鱼啊？ 啲鱼贩会将啲鱼肚劏开 如果个心仲跳紧 就代表条鱼好新鲜 行埋啲 见唔见到啊？ 依家转右入结志街 可以嘅话 学我哋咁 喺条街度行 沿住路边行都得喔 我哋依家经过卖鲜肉嘅铺头 我见到啲太太用手指厾下啲肉 咁就知道啲肉新唔新鲜 依家嚟到结志街同卑利街交界 一路沿住结志街行 你经过嘅大部分街市都会被夷为平地 下次 你再嚟到呢度 唔会再有卖花 卖肉 同埋卖包 卖鱼嘅人 好快呢度嘅一切都会消失 永永远远咁消失 留意左边 你会见到一条窄巷嘅入口 嗰度就係百子里 入咗去未 离开喧闹嘅街市 依家上楼梯 行到一半就转入右边嘅楼梯 我哋行到楼梯嘅最高嘅地方 停落嚟

You can listen to Good Spring Co Ltd - Soundwalk 3 online on Radio and Podcast. Open the player on this page to stream the available audio.

Good Spring Co Ltd - Soundwalk 3 is an episode from 胡小丫 by 胡小丫.

This episode is 6:32 long.

This episode was published on Jun 26, 2016.

Yes. Use the heart button on the episode page to add it to your favorite episodes list.

Yes. This page shows related episodes from 胡小丫 when more episodes are available from the podcast feed.